İmperializmin çirkin oyunbazları, bölgədə yaratdıqları hər xaosun ardından eyni bayat ssenarini dövriyyəyə buraxırlar. Bir tərəfdə xaos, digər tərəfdə isə bu xaosun kölgəsində tırlarla silahlandırılan terrorist qəbilə hərəkatları… Bu gün hədəf taxtasına oturdulan yer, Türk dünyasının şah damarı, qədim Türk yurdu Cənubi Azərbaycandır. Amerikanın bölgədəki hər həmləsi, Türk yurdları arasına bir “terror divarı” hörmək məqsədindən başqa bir şey deyildir. Suriyanın şimalında sınaqdan keçirdikləri, İraqın şimalında yerləşdirməyə çalışdıqları o məşum dəhliz, bu gün İrandakı qarışıqlıq bəhanə edilərək Cənubi Azərbaycan ərazisinə sürüşdürülmək istənilir. Qərbin silahlandırdığı bu qruplaşmalar, sadəcə bir rejimə qarşı deyil, birbaşa o torpağın əsl sahibi olan Türk varlığına qarşı mövqe tutmaqdadır.
Minlərlə kilometr uzaqlıqdan gəlib sərhəd xəttimizdə terror ocaqlarını silahlandırmağı “qanuni bir proses” kimi üzləri qızarmadan müdafiə edənlərin qarşısında, bizlər də öz sərhəd xəttimizdə yaşanan bu yanğına tamaşaçı qala bilmərik. Birbaşa soydaşlarımızın hədəf alındığı bu prosesdə, nə sərhəd xəttimizi, nə də qardaşlarımızı terrorist qəbilə hərəkatlarının, yaxud islamçı, cihadçı, molla qalıqlarının insafına buraxmaq lüksümüz yoxdur. Türk dövlətləri, bölgədəki bu çirkin əllərin əksinə, radikal təşkilatları deyil, dərhal Cənubi Azərbaycanın milli qüvvələrini silahlandırmalıdır. Türk dövləti, sərhədlərində yaşanan bu hərəkətliliyə birbaşa hərbi müdaxilə etməsə də, öz soydaşına bu şəkildə sahib çıxmalı və prosesdə iştirak etməlidir.
Kimsə yanlış hesab aparmasın; nə Kərkükün o sarsılmaz Türk iradəsi zəifləmişdir, nə də Qarabağda yazılan o böyük dastan unudulmuşdur. Kərkük necə hər cür təzyiqə rəğmən Türklüyün qalası olaraq qalırsa, Cənubi Azərbaycan da müstəmləkəçilərin bəslədiyi terror oyuncaqlarına tərk edilməyəcək qədər həssas və strateji bir nöqtədir. Cənubi Azərbaycanda yaşanacaq yeni bir qətliama, yeni bir köç dalğasına və ya demoqrafik müdaxiləyə Türk millətinin zərrə qədər dözümü qalmamışdır. Ankara və Bakının iradəsi, terror ocaqlarının Cənubi Azərbaycanda kök salmasına icazə verməyəcək qədər qüdrətlidir. Bütün Türk milləti artıq oyaqdır; nə bir qarış torpağımızı, nə də bir tək canımızı müstəmləkəçilərin piyonlarına verməyəcəyik. Çünki Vətən nə Türkiyədir Türklərə, nə Türküstan; Vətən böyük və əbədi bir ölkədir: Turan!
YAZIYI TÜRKİYE TÜRKÇESİ OKUMAK İÇİN TIKLAYIN